Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 8,310.00 0.63%    BESK 8,730.00 -3%    GRNT 832.42 0.19%    KMB 5,264.58 -0.83%    MPT 52,500.00 0.04%    MTUR 5,249.25 -0.01%    OHB 6,077.33 -1.18%    OKTA 4,295.55 -1.64%    SPAZ 18,000.00 0%    STB 1,142.25 -0.24%    TEL 299.11 -0.3%    TNB 15,965.40 0.95%    

Заврши откупот на тутунот од ланската реколта, просечната цена 214,24 денари за килограм

Време: 13:56

Датум: март 18, 2019

Категорија: ЕКОНОМИЈА

Заврши откупот на тутунот од минатогодишната реколта. Според податоците од Државниот инспекторат за земјоделство (ДИЗ), откупени се над 25,2 милиони киограми тутун по просечна откупна цена од 214,24 денари за килограм, соопшти денеска Министерството за земјоделство, шумарство и водостопанство.

Од откупните компании кон тутунопроизводителите се исплатени над 5,3 милјарди денари денари или 98,24 отсто од откупениот тутун. Од ДИЗ посочуваат дека откупот на тутун заврши во рамки на законскиот рок, заклучно со 15. месецов и се одвивал непречено.

Во подрачните единици на Министерството за земјоделство, шумарство и водостопанство низ државата во тек е вадење евидентни листови, како лиценци за годинашното тутунопроизводство. Од Платежната агенција веќе информираа дека штом завршат сите административни процедури околу контролите, ќе следи и исплатата на субвенциите за производителите на тутун.

Во реколтата 2018 се засеани 14.802 хектари со тутун, а се склучени 34.104 договори со девет откупни претпријатија. Подрачните единици на Министерството за земјоделство, шумарство и водостопанство, пријавија 23.430 издадени евидентни листови. Вкупната договорена количина за откуп изнесува над 29.000 тони тутун. Споредено со реколтата 2017, за производство на тутун 2018-та се издадени 57 евидентни листови повеќе од 2017, и се склучени над 4.700 повеќе договори. Зголемување има и на засадените површини со тутун, и тоа за 387 хектари.

-За зголемениот интерес големо влијание имаше високата откупна цена на тутунот од реколтата 2017 која изнесуваше 217,60 денари за килограм, како и новиот модел на зголемени субвенции според кој субвенцијата за прва класа е 80 денари за килограм, 70 денари за втора класа, и 60 денари за трета класа и дополнителните класи, наведува МЗШВ.

Новата производствена реколта ќе стартува според постоечкиот Закон за тутун и тутунски производи, односно и оваа година ќе се издаваат евидентните листови односно т.н „бели картони“.

Со новиот Предлог закон за тутун што е во собраниска процедура, се предвидува укинување на евидентните листови од следната година. Со таа законска одредба МЗШВ очекува значително да ги намали административните процедури за тутунарите со тоа што тие ќе склучуваат договори директно со откупните претпријатија. Се предлагаат и одредби за уредување на сродните тутунски производи: несогорливи производи од тутун, електронски цигари и растителни (билни) производи за пушење. Производителите и увозниците кои ставаат во промет електронски цигари и/или контејнери за еднократно или повеќекратно полнење, поднесуваат барање за пуштање во промет до Министерството за здравство, за што добиваат одобрение. Производителите и увозниците на несогорливи производи од тутун се должни да достават известување до Министерството за земјоделство, шумарство и водостопанство за сите несогорливи производи од тутун кои што имаат намера да ги стават во промет. Одредбите од законот кои се однесуваат на поимите дефинирани за несогорлив тутун и електронска цигара ќе бидат употребени за определување на надоместок согласно Законот за акцизите од 1 јули 2019 година.

Според МЗШВ, новите законски одредби ќе овозможат транспарентност во врска со содржината на договорите кои треба јавно да се објават најдоцна до 28 февруари во тековната година на огласна табла во седиштето на откупувачот и на локалната веб страната на откупувачот. – Воедно, ќе се создаде можност за дополнително отворање на откупни пунктови во текот на откупот, како и други придобивки за подобрување на квалитетот на услугите и задоволството на тутунопроизводителите, откупувачите, производителите на тутунски и сродни производи, потрошувачите и бизнис заедницата од работењето на тутунското стопанство. Истовремено, овој закон предвидува понатамошно усогласување со европските директиви и најдобри примери од ЕУ во контекст на прилагодување кон европските стандар, информора Министерството за земјоделство, шумарство и водостопанство.

КОМЕНТАРИ

НАЈНОВО ОД КАТЕГОРИЈАТА

  • Катастрофални капитални инвестиции – за три месеци потрошени само 6%

    Катастрофални капитални инвестиции – за три месеци потрошени само 6%

    Продолжува катастрофалната реализација на капиталните инвестиции. Во првиот квартал биле потрошени само 6.21% од планираните пари за цела година. За да се оствари проекцијата реализацијата…

  • НБРМ го усвои Годишниот извештај и Извештајот за ризиците во банкарскиот систем на земјава за 2018 година

    НБРМ го усвои Годишниот извештај и Извештајот за ризиците во банкарскиот систем на земјава за 2018 година

    Советот на Народната банка денес одржа редовна седница, на која беше разгледан и усвоен Годишниот извештај за 2018 година. Притоа беше нагласено дека и во…

  • Светот во 2018 година остана без 12 милиони хектари тропска шума

    Светот во 2018 година остана без 12 милиони хектари тропска шума

    На земјата во 2018 година исчезнале повеќе од 12 милиони хектари тропски шуми, што е површина колку Никарагва, објавил Институтот за природни ресурси во светот…

  • За Велигденските празници ПОЦ ќе им овозможи бесплатен паркинг на граѓаните

    За Велигденските празници ПОЦ ќе им овозможи бесплатен паркинг на граѓаните

    По повод претстојните Велигденски празници, од Јавното претпријатие „Паркинзи на Општина Центар“ (ПОЦ) информираат дека од 26 (петок) до 29 април (понеделник) паркиралиштата со кои…

  • Амбулантите ќе работат 24 часа за време на празниците

    Амбулантите ќе работат 24 часа за време на празниците

    Во текот на престојните празнични денови службите на Здравствен дом Скопје ќе обезбедуваат 24 часовна здравствена заштита преку дежурните ноќни пунктови во Поликлиника Идадија, Ченто,…

  • До 30 јуни бесплатно приклучување на парно греење

    До 30 јуни бесплатно приклучување на парно греење

    До 30 јуни годинава, „Снабдување со топлина Балкан Енерџи“ повторно нуди можност за бесплатно приклучување на системот за централното греење. Акцијата, како што соопшти компанијата,…

  • Адолф Хитлер избегал и живеел во Аргентина?

    Адолф Хитлер избегал и живеел во Аргентина?

    ФБИ испитува информации според кои нацистичкиот лидер Адолф Хитлер можеби не умрел на 30 април 1945 година, туку, наводно избегал во Аргентина со подморница. ФБИ…

  • Грета Тунберг фаворит за освојување на Нобеловата награда за мир

    Грета Тунберг фаворит за освојување на Нобеловата награда за мир

    Бидејќи инспирирала илјадници луѓе од целиот свет да протестираат поради климатските промени, шведската тинејџерка Грета Тунберг стана фаворит за освојување на Нобеловата награда за мир…

  • Тркалезна маса за економската иднина на земјава

    Тркалезна маса за економската иднина на земјава

    Во организација на Институтот за стратегија и развој (ИСД), денеска во Скопје ќе се одржи тркалезна маса на тема „Економските предизвици и ефекти од евроатланските…

  • Сончево со мала до умерена облачност

    Сончево со мала до умерена облачност

    Времето во земјава сончево со мала до умерена облачност. Попладне на места ќе биде нестабилно со пороен дожд и грмежи, и услови за изолирана појава…