Во периодот од 01.01. до 31.12.2018 година АД Европа оствари нето добивка во износ од 97.167.484 денари, која е дупло повисока во однос на претходната година.
Во 2018 година остварени се вкупни бруто приходи на износ од 797.503.383 денари и се зголемени за 9,8% во однос на бруто приходите од 2017 година.
Вкупните оперативни приходи за 2018 година се зголемени за 12,3% во однос на истите во 2017 година. Останатите приходи бележат пад од 34,6%, а кај финансиските приходи падот е 54,3% во однос на 2017 година.
Вкупните расходите се зголемени за 2,7% во однос минатата година. Оперативните расходи во 2018 година се зголемени за 5%, а финансиските расходи пак се намалени за 85% во однос на 2017 година.
Годишното собрание на акционери на АД ЕВРОПА СКОПЈЕ одобри пресметка и исплата на бруто дивиденда за 2017 година на износ од 34.505.100 денари односно бруто дивиденда по акција 150 денари.
Кредитната задолженост на компанијата е ниска иако има зголемување на долгорочните кредити за 81% во 2018 година наменети за инвестиции, а нема краткорочни задолжувања
Планот за вкупната продажба за 2018 година е остварен со 95,3%, а се очекува во целост да биде остварен во 2019 година.
Финансискиот извештај можете да го погледнете тука.