Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 9,096.52 0.13%    GRNT 870.00 0.16%    KKGO 6,150.00 0%    KMB 5,359.17 0.22%    MKSD 216.00 2.86%    MPOL 350.00 0%    MPT 61,500.41 -0.1%    NEME 1,250.00 0%    RMDEN17 98.70 0%    RMDEN18 98.64 -0.05%    SBT 2,253.00 -0.01%    SPAZ 18,525.00 0%    STB 1,100.00 0.53%    TEL 290.00 0%    TNB 15,949.95 0%    TTK 1,314.43 0.91%    

Неисправните сопирачки и брзото возење главни причини за несреќата кај Ласкарци

Време: 15:17

Датум: март 14, 2019

Категорија: ЕКОНОМИЈА

Неисправните уреди за сопирање на автобусот и возењето над дозволената брзина, се главните причини за несреќата кај Ласкарци, поради што ОЈО Скопје поведе постапка против шест лица, кои се осомничени за „тешки дела против безбедноста на луѓето и имотот во сообраќајот“, додека за седмо лице во тек е кривична постапка за „несовесно работење во службата“, бидејќи издало потврда дека тахометарот во автобусот бил целосно исправен без да ги направи неопходните проверки.

Ова го истакна јавниот обвинител Сашо Рајчев денеска на прес-конференција, посочувајќи дека седумте лица се приведени и се наоѓаат во  полициска станица во Скопје и во текот на денешниот ден ќе бидат изнесени пред судија на претходна постапка. За шесте лица за кои е отворена истражната постапка Обвинителството ќе побара притвор, а за седмото лице мерки на претпазливост.

-Вештачењето покажа дека главна причина за несреќата се неисправноста на уредите за сопирање на автобусот и поголемата брзина на возење над дозволената  поради што изгубил контрола врз автобусот. Возачот возел 99 километри на час, а дозволената брзина е 80 километри, рече Рајчев, додавајќи дека вештачењето покажало оти возачот не користел мобилен телефон во клучниот момент.

Првоосомничен е сопственикот на „Дурмо Турс“, кој е и управител на фирмата. Тој единствен поседувал задолжителен сертификат за професионална компетентност во правниот сообраќај врз основа на кој сертификат е издадена лиценцата за превоз, но не го организирал превозот согласно прописите и не водел евиденција, а тоа му го препуштил на раководителот на „Дурмо Турс“ кој не поседувал сертификат.

Токму раководителот, како што рече Рајчев, е второосомничен во овој случај, со тоа што овозможил да се инсталира уредот во автобусот со кој се манипулирал технографот кој правилно не ја регулирал брзинатана на движење на автобусот.

Третиот, четвртиот и петиот осомничен се одговорни лица од фирмата за технички преглед, чиј сопственик е првоосомничениот односно газдата на „Дурмо Турс“. Тие како одговорни за технички преглед и контрола издале документација за исправност на автобусот по двата прегледи направени во јули и декември 2018 година и покрај тоа што што сопирачките не биле на потребното ниво на исправност.

Шестоосомничен, како што рече Рајчев, е возачот кој за време на несреќата се движел со 99 километри на час, а го активирал и уредот за манипулација на брзината. Истрагата на ОЈО Скопје утврдила дека возачот поради брзината изгубил контрола над автобусот, ја пробил заштитната ограда помеѓу двата правци на автопатот и пред да дојде до втората, односно да излета почнал да кочи. Вештачењето на неговиот телефон покажало оти тој не го користел мобилниот за време на несреќата, а здравствената состојба му била во ред, односно таа не влијаела на несреќата.

-Како резултат на сите пропусти на овие шест осомничени доаѓа штетната последица – 15 жртви и 39 лица со тешки телесни и телесни повреди, рече обвинителот Рајчев.

Тој посочи дека во текот на предистражната постапка до денеска биле испитани вкупно 47 лица. наведе дека од Машинскиот факултет било изготвено вештачење за функционирањето на системите во автобусот, од Електротехничкиот факултет вештачење за функционирањето на тахографот, а од Бирото за судски вештачења било изготвено сообраќајното вештачење.

Рајчев рече дека медицинско вештачење било изготвено за здравствената состојба на возачот, а од МВР било извршено вештачење во поглед на употребата на телефонот од страна на возачот за време на  несреќата. Додаде дека биле прибавени и 15 обдукции за сите починати лица и дека Обвинителството е во фаза на прибирање на целокупната медицинска документација за другите оштетени лица .

Несреќата се случи на 13 февруари кога автобусот на „Дурмо турс“ со 51 патник излета од патот Тетово-Скопје и падна во провалија откако ја проби заштитната ограда на автопатот. Во несреќата загинаа 15 лица, а 39 беа повредени.

КОМЕНТАРИ

НАЈНОВО ОД КАТЕГОРИЈАТА

  • Не се очекува поголем раст на цената на нафтата

    Не се очекува поголем раст на цената на нафтата

    Меѓународната агенција за енергија (IEA) не очекува значителен раст на цените на нафтата, бидејќи побарувачката се забавува и бидејќи на глобалниот пазар ”црното злато” има…

  • Недостиг во касата: Дуплиран буџетскиот дефицит на Британија

    Недостиг во касата: Дуплиран буџетскиот дефицит на Британија

    Буџетскиот дефицит на Британија драстично се зголеми во првите три месеци од даночната 2019/2020 година. Недостатокот во касата е поради повисоките трошоци за сервисирање на…

  • Раст на просечната плата – кои професии се најплатени?

    Раст на просечната плата – кои професии се најплатени?

    Просечната плата пораснала за 3.1% за една година и за околу 20% за една деценија, но и покрај овие солидни достигнувања Македонија останува закотвена речиси…

  • Азиските пазари: Скок на индексите, се очекува FED да ги намали каматните стапки

    Азиските пазари: Скок на индексите, се очекува FED да ги намали каматните стапки

    На азиски пазари индексите се зголемија на крајот од оваа недела бидејќи инвеститорите се повеќе се убедени дека американската централна банка на крајот на овој…

  • На новинарите им е забрането да ја следат постапката за инспекторот Илиевски

    На новинарите им е забрането да ја следат постапката за инспекторот Илиевски

    Валерија Анастасова, претседателката на дисциплинската комисија, која треба да расправа за постапката со инспекторот Ѓорѓи Илиевски, пред почетокот на седницата на новинарите им рече дека…

  • Алгоритам за препознавање активности развиен на ФЕИТ победи на меѓународен натпревар

    Алгоритам за препознавање активности развиен на ФЕИТ победи на меѓународен натпревар

    Алгоритам што користи сензорски податоци за да препознае човечки активности и да детектира паѓање, развиен од тим на Факултетот за електротехника и информациски технологии (ФЕИТ)…

  • Сончево со мала до умерена облачност

    Сончево со мала до умерена облачност

    Времето во земјава ќе биде сончево со мала до умерена облачност, попладне ќе има локална појава на пороен дожд и грмежи. УВ=8 Утринската температура ќе…

  • Откриен најголемиот таен глобален заемодавец, поголем од ММФ и Светска банка

    Откриен најголемиот таен глобален заемодавец, поголем од ММФ и Светска банка

    Истражувањата покажале дека кинеските државни банки издале околу една четвртина од вкупните кредити на новите пазари. Ова довело до тоа Кина да стигне на водечката…

  • Експертите шокирани: Овој град целосно го укина јавниот транспорт и го замени со нова услуга

    Експертите шокирани: Овој град целосно го укина јавниот транспорт и го замени со нова услуга

    Инсфил, град во канадската покраина Онтарио, неговиот јавен транспорт целосно го замени со Uber. Необичниот експеримент пред две години започнал сосема случајно во самиот центар…

  • Британија влегува во рецесија во случај Брегзит без договор

    Британија влегува во рецесија во случај Брегзит без договор

    Велика Британија ќе влезе во рецесија во случај да ја напушти Европската унија без договор, објави британската Канцеларија за буџетска одговорност. “Велика Британија ќе влезе…