Конференција на тема „Женското лидерство во областа на безбедноста“ ќе се одржи денеска на Факултетот за безбедност во Скопје.
Како што е најавено, конференцијата ќе ја отвори министерката за труд и социјална политика, Мила Царовска, а ќе говорат и претседателката на Комора за обезбедување на РСМ, Верица Милеска Стефановска, претседателката на Националниот совет за родова рамноправност, Савка Тодоровска, претставници на UN WOMEN во земјата, деканот и продеканот на Факултетот за безбедност-Скопје проф. д-р Никола Дујовски и доц. д-р Марјан Ѓуровски, претставници од Министерство за внатрешни работи, Министерството за одбрана, Македонски полициски синдикат, Дирекција за заштита и спасување и други институции од земјата.
Целта на конференцијата е преку учество на раководители и експерти од областа на безбедноста да се детектираат предностите и слабостите на женското лидерство во безбедносните органи и институции во земјата.
