Општинските советници во Венеција го одобрија надоместокот за влез за туристи кои влегуваат во популарниот италијански град лоциран во Венецијанската лагуна.
Уште не е познато кога усвоената такса ќе стапи во сила. Првичните планови беа да се воведе надомест од 3 евра (2,65 долари) за еднодневен престој од мај.
Во следната година, надоместокот ќе се зголеми на 6 евра и може да се зголеми на 10 евра во екот на туризмот.
Масовенит туризам одамна е проблем во Венеција, иако е главен извор на приходи за градот.
Туризмот се смета за главна причина за пренатрупаноста, зголемувањето на цените на имотот и опаѓачкото локално население.
По оценка на невладината организација за заштита на културно-историското наследство „Italia Nostra“ од 2016-та година, секоја година 30 милиони луѓе го посетуваат градот, кој е на листата на светското културно и природно наследство на УНЕСКО, со просечен дневен прилив од над 82.000 лица.
Според шемата за влезници, посетителите кои се сместени во хостели ќе бидат ослободени од плаќање. Гостите на хотелите веќе плаќаат локална туристичка такса за нивниот престој.
„Ние не сме проактивни во собирањето пари“, изјави градоначалникот на Венеција, Луиџи Брунаро претходно во овој месец. Целта е да се поддржи плаќањето за одржувањето и чистотата во историскиот град, тврди тој.
„Мораме да му кажеме на светот колку е тешко да управува со такво посебно место“, додаде градоначалникот.
