Германскиот министер за финансии Олаф Шолц направи позитивна прогноза за идната економска состојба на земјата, велејќи дека таа сигурно ќе успее да ја избегне рецесијата. Според министерот, причината за неговиот оптимизам е турбулентниот, но сепак нагорен тренд во германската и европската економија.
Во позадина на ризикот од трговска војна со САД и опасноста од излегување на Велика Британија од Европската унија без договор, последните економски податоци за земјата покажуваат за одложување на пазарот во најголемата европска економија, која во последниот квартал од годината избегна „за влакно“ рецесијата – се двата последователни квартали од економската контракција.
Министерот за финансии рече дека е сигурен во врска со претстојниот, иако скромен раст, објави „Ројтерс“.
„Глобалните, европските и германските податоци покажуваат за потиснат, но сепак пораст во движење“, изјави тој.
Минатата недела довербата на германскиот бизнис забележа шести месец по ред на пад во позадина на загриженост за последиците од евентуален неуспех на САД да одлучат за трговските спорови со ЕУ и Кина.
Според зборовите на Шолц нема да има олабавување на финансиските политики на Берлин поради доцнењето, бидејќи владата има потреба од фискални резерви во случај на економска криза.
Сепак тој истакна дека властите немаат доволно резервни средства кои ќе се користат за зголемување на минималната плата и пензиската реформа, која Германската социјалдемократска партија (СПД) – коалициски партнер на конзервативците, ја ветија на своите гласачи.
Бруто домашниот производ (БДП) на најголемата економија во Европа остана без промена на квартална основа за периодот октомври-декември, покажуваат податоците на германската федерална статистичка служба претходно во овој месец.
За споредба, во периодот јули-септември намалувањето беше од 0,2%, како по дефиниција една држава е во рецесија по два или повеќе квартали на негативен раст.
Стагнацијата во периодот значи дека земјата заостанува во однос на повеќето земји во еврозоната, каде просечниот раст на БДП е 0,2%.
