Нова модерна стаклена амбалажа е она што ги карактеризира добро познатите брендови на Прилепска пиварница – Пепси, Миринда Портокал, Миринда Лимон, 7 Ап и Газоза. По ребрендирањето на Златен Даб и претставувањето на новите стаклени амбалажи за пивото, Прилепска Пиварница продолжува со модернизирањето на амбалажите на своите пијалаци.
“Со промената на изгледот најпрвин на пивото, а сега и на безалкохолните пијалаци сакаме да бидеме во чекор со новите трендови и секогаш на нашите потрошувачи да им понудиме квалитетен и модерен производ. Последните неколку години голем акцент ставивме на вложување во нови инвестиции, во креирање на брендови со единствен изглед и врвен квалитет, се со цел на пазарот да понудиме иновативни пијалаци кои потрошувачите често ги бараат “ – изјави Александар Чатлески бренд менаџер на Прилепска пиварница
Промената на амбалажите на производите на Прилепска пиварница е резултат на најголемата последна инвестиција во нова линија за полнење на пиво и газирани пијалоци во стаклена амбалажа.
“Иновативноста и вложувањето во квалитет е примарно доколку сакаме да креираме препознатлив бренд . Потрошувачите знаат што сакаат, а ние сме тука да им понудиме пијалаци со единствен вкус и квалитет.“ – додаде Чатлески.
