По високиот раст во декември минатата година, во јануари, вкупните депозити и кредити се намалија за 0,8% на месечна основа, што е вообичаена сезонска динамика во овој месец од годината.
На годишна основа, остварувањата кај монетарните и кредитните показатели и натаму се солидни. Годишната стапка на раст на вкупните депозити изнесува 10,6% и е резултат на повисоките депозити кај двата сектори, со поизразен придонес на депозитите на секторот „домаќинства“ (59,9%). Во првиот месец од годинава, вкупните кредити се зголемија за 7,8%, при што годишниот раст во поголем дел произлегува од растот на кредитите одобрени на секторот „домаќинства“.
Целосното соопштение за монетарните движења за јануари 2019 можете да го видите на овој линк: http://nbrm.mk/ns-newsarticle-soopstenie-dst-21022019.nspx