Од ноќеска на полноќ бензините поскапеа, а цената на дизелот остана иста.
Согласно одлуката на Регулаторна комисија за енергетика, новата цена на Еуросупер БС-95 се зголемува за половина денар, а Еуросупер БС-98 за еден денар. Така, од денес Еуросупер БС-95 ќе се продава по цена од 62,50 денари за литар, а Еуросупер БС-98 за 64,50 денари. Цената на дизелот останува 60 денари.
Зголемувањето на малопродажните цени на горивата е во просек за 0,98 проценти.
Новите цени на горивата ќе важат во следните две недели.
