Управата за јавни приходи (УЈП) ја објави новата листа на должници за долгови доспеани до 31.10.2018 и неплатени до 31.01.2019 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.
На Листата на должници објавени се 2.196 должници – правни лица (повеќе за 62 од претходната листа) и 2.427 физички лица (повеќе за 31 од претходната листа).
Вкупно објавениот нето долг изнесува 9.958.252.401 денари, помалку за 163.761.186 денари од претходната листа.
Нето-долгот за даноци и придонеси изнесува 9.929.026.709 денари (161 милион евра), додека долгот за царински давачки е 29.225.692 денари (пoмалку за 120.523.439 денари од претходната листа).
