четврток, 19 мај 2022
ПочетнаЕКОНОМИЈАНАТО ќе го потпише протоколот со Македонија на 6 февруари

НАТО ќе го потпише протоколот со Македонија на 6 февруари

Генералниот секретар на НАТО, Јенс Столтенберг преку неговиот профил на „Твитер“ соопшти дека на 6 февруари ќе биде потпишан пристапниот документ за членство на Македонија во Алијансата.

„На 6 февруари ќе испишеме историја. Сојузниците на НАТО ќе го потпишат пристапниот протокол со идната Северна Македонија, заедно со министерот за надворешни работи, Никола Димитров“, напиша Столтенберг на социјалната мрежа.

Церемонијата на потпишувањето ќе се одржи во седиштето на НАТО во Брисел. По потпишувањето на пристапниот протокол, секоја од земјите членки на НАТО ќе треба да го ратификува членството на Македонија. Се очекува оваа процедура да заврши кон крајот на годинава или почетокот на следната година, со што Македонија официјално ќе стане членка на НАТО откако сите 29 членки ќе го ратификуваат протоколот.

НАЈНОВИ ВЕСТИ

ХОРОСКОП