Британски „Јaguar Land Rover“ се откажа од производството на моделот со три врати „Range Rover SV Coupe“.
И покрај најавата за враќање на легендарниот модел од 70-тите години од минатиот век и резервацијата на 999 примероци по премиерата во Женева минатата година, супербрзото и суперлуксузното „SUV“ купе нема да се врати.
„Range Rover SV Coupe“ е замислен како четворосед со 5,0-литарски „V8“ мотор кој со асистенција на механичкиот компресор развива 656 KS.
Тоа е доволно за проценетиот на 390.000 eвра автомобил да забрзува од место до 100 km/h зa 5 секунди и да достигне максимална брзина од 266 km/h.
Иако постоеше побарувачка за него, „Land Rover“ одлучи ресурсите наменети за оваа врвна креација на „JLR“- „SVO“ (SPecial Vehicle Operations) одделението да ги насочи кон развој на друг модел.
„Jaguar Land Rover“ веќе со месеци е во криза поради Брегзит и трговската војна кои беа причина за пад на продажбата во Кина, поради што мораше да го стопира производството и да отпушта работници, па не сака да го загрози развојот на моделот како новата генерација на „Defender“.