Германската годишна инфлација продолжи да забавува во јануари, достигнувајќи 1,4% од истиот месец во минатата година, со пад од 1,7% во декември. Ова го покажуваат прелиминарните податоци на германското статистичко биро „Derstatis“.
Ако се потврди читањето, тоа ќе биде најниската стапка на забрзување по единаесет месеци, и е под пазарните очекувања од 1,6%.
Хармонизираната инфлација се забрза за 1,7% на годишна основа. Овде исто така, податоците се под читањата на „Bloomberg“ од 1,8%.
Податоците беа презентирани откако германската влада претходно ги објави своите намалени прогнози за економски раст во 2019-та година. Стапката на раст се очекува да биде 1%, значително помалку од проектираните 1,8% во октомври. Главната причина за ова е влошената глобална трговска средина, која ќе биде најниска во последните шест години.
Германската економија едвај ја избегна рецесијата до крајот на 2018-та година, а довербата во бизнисот падна на најниско ниво од речиси три години во јануари.
Минатата недела претседателот на Европската централна банка Марио Драги рече дека ризиците за растот на еврозоната од 19 членки се влошуваат. Сепак, тој посочи дека стабилниот пазар на труд ќе ја обезбеди потребната поддршка за локалната побарувачка.
Германската Сојузна Агенција за труд се очекува да го објави својот извештај за јануари во четврток. Прогнозите се за намалување на бројот на невработени за 10.000 лица.
