Министерот за земјоделство, шумарство и водостопанство, Љупчо Николовски, во рамките на работна посета на Дубаи, Обединетите Арапски Емирати (OAЕ), одржа работен состанок со министерот за климатски промени и животна средина на Обединетите Арапски Емирати, под чија ингеренција е и секторот земјоделство, Тани бин Ахмед ал-Зејоди.
Министерот Николовски ги презентирашe политиките за справување со климатските промени, поволните услови за инвестирање во македонскиот агросектор, како и можноста за извоз на македонските овошја и зеленчукови производи во Дубаи.
Министерот за климатски промени на ОАЕ на средбата порача дека стојат на располагање за размена на искуства во делот на нови технологии за модернизација на македонското земјоделство и дека се заинтересирани за инвестиции во Македонија преку кои би ги презентирале најновите технологии. Исто така, се отвора можност за идна соработка со македонските домашни фирми преку Еколошкиот економски совет на ОАЕ, кој е под директна супервизија на министерот за климатски промени на ОАЕ и каде што членуваат огромен број компании.
Ал-Зејоди изрази задоволство што Македонија првпат ќе учествува на меѓународниот саем за храна „Гулфуд“ во Дубаи во 2020 година. Министерот Николовски доби покана на овој саем да присуствува заедно со приватни компании од ОАЕ, меѓу кои и „Карфур“, како можност за презентација на македонските земјоделски производи и нивни извоз во Обединетите Арапски Емирати. Министерот за климатски промени на ОАЕ најави и своја посета на Македонија во рамките на која ќе го разгледаат слободното земјоделско земјиште и можноста за инвестиции.
