Без експериментирањето, истражувањето и подготвеноста за нови работи нема успех, советува Ентони Бордиан.
Сакајте го она што го работите и почитувајте ги луѓето со кои соработувате, е пораката од еден американски готвач и патеписец Ентони Бордиан, кој тврди дека токму тоа е клучот за среќата на работа.
Авторот на бестселерот „Kitchen Confidential“ започнал со пишување на колумна за бесплатниот локален весник. Токму оваа работа, како што вели тој, му ја отворила вратата кон успехот, мислејќи дека неговите колумни никој не ги чита, бил потполно ослободен од притисок од јавноста.
Клучот за среќата и успехот
Престанете да се оптеретувате за она што луѓето ќе го мислат за вас и вашите постапки, престанете да се оптеретувате за она што околината го очекува од вас и дали тоа ќе и се допадне. Бидете она што навистина сте, бидејќи тоа е клучот од среќата, но и од успехот, напоменува Бордиан.
Од профитот, додава тој, многу е поважно работата која ја работите да ви биде предизвик, во неа страствено да уживате и воедно добро да се забавувате.
Без експериментирањето животот станува досадна реприза
Кога ќе дојдете до целта, не застанувајте. Без потрагата по нови идеи за успех ќе стагнирате, без експериментирањето, истражувањето и подготвеноста за нови работи, вашиот живот ќе стане досадна реприза.
