15 април, 2024
ПочетнаЕКОНОМИЈАЗа две години во Германија имигрирале Хрвати колку цел Осиек

За две години во Германија имигрирале Хрвати колку цел Осиек

Во текот на 2016 и 2017 година од Хрватска во Германија се доселиле 110.526 Хрвати или колку цел хрватски град Осиек, покажуваат податоците на германската Сојузна канцеларија за миграција, кои ги објави тамошното министерство за внатрешни работи, пренесе Дневник.хр.

Во 2016 гдина во Германија отишле 57.476 Хрвати, додека идната година тој број бил нешто помал (53.050).

Во двегодишниот период Германија ја напуштиле вкупно 49.696 Хрвати, а во 2017 година Хрватите биле петти по ред по вселување во Германија. Истата година во Германија се доселиле само повеќе Италијанци, Бугари, Полјаци и Романци.

Германија во текот на 2016 и 2017 година примила 3,42 милиони доселеници, а од земјата во истиот период се иселиле 2,5 милиони луѓе.

НАЈНОВИ ВЕСТИ

ХОРОСКОП