29 март, 2024
ПочетнаЕКОНОМИЈАВо 2018-та година Њујорк го посетиле 65,2 милиони туристи

Во 2018-та година Њујорк го посетиле 65,2 милиони туристи

Еден од најпопуларните американски градови, Њујорк, исто така наречен „Големото јаболко“, објави рекордна година за својот туризам.

Во 2018-та година еден од најголемите градови во светот и осми по густина на населението е посетен од 65.2 милиони туристи, според новите податоци на туристичката организација „NYC & Company“.

Од нив 51.6 милиони се Американци, а останатите 13,5 милиони се туристи од странство, во споредба со 13.1 странски посетители во 2017-та година.

Британците ја предводат листата на странските посетители со 1.24 милиони, следуваат жителите на Кина (1,1 милиони), Канада (1 милион), Бразил (920.000) и Франција (807.000).

Њујорк се рангирана на шестото место на листата на најпосетени градови во светот од страна на странски туристи, според годишната студија на „Mastercard – Global Destination Cities“ објавена во септември, врз основа на предвидените 13.1 милиони посетители.

Бангкок е лидер на ранг-листата, по што следеа Лондон, Париз, Дубаи и Сингапур.

Американската финансиска престолнина, во која туристичката индустрија вработува повеќе од 390.000 луѓе, се надева дека ќе го подобри својот рекорд повторно во 2019-та година со прогноза од 67 милиони посетители.

НАЈНОВИ ВЕСТИ

ХОРОСКОП