Италијанскиот парламент го усвои буџетот за 2019-та година на третата по големина економија во еврозоната со гласање за доверба во коалициската влада на популистичкото движење „5 ѕвезди“ и екстремно десничарската партија „Лига“, пренесе „Ројтерс“.
Власта доби 327 пратенички гласа „за“, наспроти 228 на опозицијата, информира медимите. Со слична постапка, со цел избегнување на бескрајните дебати за предлози за измени и пропуштање на крајниот рок – 31-та декември, буџетот беше трасира и во Сенатот на крајот на минатата недела.
Опозицијата протестираше вчера пред парламентот во Рим поради недостаток на можност да го оспори проектот за буџет кој беше ревидиран, откако Европската комисија започна кривична постапка заради прекршување на фискалните правила на Европската унија.
Зацртаниот дефицит за 2019-та е 2,04% од бруто домашниот производ. Тој не смее да биде надминуван, иако новите политики како социјална помош, крстената „граѓанска плата“, намалувањето на старосната граница за пензионирање, даночни олеснувања за самовработените.
Државниот долг на Италија е поставен да се намали за еден процентен поен догодина – до 130,7 отсто од БДП-то.
Премиерот Џузепе Конте го нарекува новодонесените буџет „прв чекор од планот за широки и амбициозни реформи за кои ќе ја промени Италија“ и ќе доведат до економски раст. Двете партии во владата се радуваат на околу 60% општествена поддршка, наведува „Ројтерс“.
