Акциите на американската технологошка компанија „Facebook Inc.“ поскапеа во средата со над 4,4 отсто, со што ги избриша падовите од претходните денови кои ги доведоа акциите на најниско ниво од јануари 2017-та година.
Во средата „Citron Research“ објави материјал за „Facebook“, каде што пишува дека ја „поддржува акцијата“ на компанијата. „Citron“ претстави целна цена од 160 долари за акција, што значи скоро 30% раст во однос на постигнатата вредност во понеделникот, пресметува „Bloomberg“.
Пред две и пол години „Citron Research“ изјави дека „Facebook“ е во долгорочна позиција за „short“ продажба. Во тоа време акциите се тргуваа во опсег од 120 долари. Во последните 30 месеци друштвената мрежа ги удвои тримесечните приходи и стравувањата за ангажман се променија, појаснуваат од аналитичката компанија. Сепак, цените на акциите се повторно во опсег од околу 120 долари.
Сепак 2018-та година е годината која акционерите на „Facebook“ би сакале да ја заборават, бидејќи акциите загубија околу 30% од почетокот на годината и над 40% од прогласувањето на последните квартални резултати. А сепак, додека медиумите не објавија за последниот скандал, а „NYT“ дури и се обиде да го охрабри движењето „#deletefacebook“, чисто финансиски работите изгледаат поинаку – приходите, а уште поважно – бројот на корисници, што очигледно немаше големо влијание.
„Facebook“ има 2,2 милијарди активни корисници и зголемен профит од 33% на годишна основа во текот на овие спорни 12 месеци. И треба да се има на ум дека потрошувачката база ја исклучува Кина.
