Како што пренесува „Autocar“, „Lamborghini“ ќе го претстави наследникот на моделот „Aventador“ во 2020-та година.
Новиот суперавтомобил на „Lamborghini“ ќе биде придвижуван од хибриден погон кој за прв пат следната година ќе биде користен во лимитирана серија.
Оваа серија има кодно име „LB48H“, a „Lamborghini“ ќе ја претстави во рамките на серија на „единствени“ модели, како што тоа се случи со „Centenario“ и „Veneno“.
Се очекува овој хиперавтомобил да чини повеќе од два милиони евра. Погонската единица ќе биде во комбинација од „V12“ атмосферски агрегат и еден електромотор, а заедно ќе развиваат околу 840 KS.
Ова се разликува од првичните информации според кои наследникот на „Aventador“ би требало да поседува хибрид „V12“ и три електромотори со вкупно 1.200 KS.
Од „Lamborghini“ најавија дека ќе го електрифицираат наследникот на „Aventador“, па најголем предизвик им е намалувањето на тежината. Дури и најлесната верзија ќе има околу 150-200 kg повеќе од вообичаениот „Lamborghini“.
Друг проблем со кој се среќаваат во „Lamborghini“ се новите стандарди за економичност и емисијата на гасови, односно минималната автономија на електричен погон.
Се уште нема информации како ќе се нарекува наследникот на „Aventador“.
