„McLaren Special Operations“ (MSO) во чест на првата титула „F1“ шампион на легендарниот Аиртон Сена во 1988-ма година го направи уникатниот „P1 GTR“.
Единствената верзија на „P1“ со бројот „12“ на шасијата ја доби истата комбинација на црвена и бела боја со карактеристичните линии на тогашниот спонзор „Marlboro“, како болидот „McLaren MP4/4“ во кој покојниот Бразилец за прв пат ја освои „F1“.
Логото на Сена е на неколку делови од каросеријата, неговиот натпреварувачки број 12, знамето на Бразил, а само за фарбањето на автомобилот биле потребни 800 часови.
На прагот на вратата стои натписот: „Не сум создаден да завршам втор или трет… Создаден сум да победувам“.
Целиот проект траеше три години.
„McLaren P1 GRT“ е тркачка верзија на познатиот модел на британскиот производител направен во чест на 20 години од победата на „McLaren F1“ на 24 часа Ле Ман во 1995-та.
Ќе бидат направени само 58 примероци по цена од 2,4 милиони долари, а под хаубата ќе има 3,8-литарски агрегат со твин-турбополнач и 970 KS.