Европската унија се согласи да ја забрани употребата на пластика за еднократна употреба, како што се пластични тањири и сламки.
Австриската министерка за одржливост и туризам Елизабет Костингер напиша на Твитер дека договорот е постигнат, велејќи дека тоа е пресвртница во напорите да се намали пластичниот отпад.
Рамковниот договор треба да биде официјално потврден од страна на земјите-членки и парламентот на ЕУ, и се очекува да стапи на сила по две години.
Во мај, Европската комисија предложи да се забранат голем број пластични производи за еднократна употреба, за кои постојат непластични алтернативи, вклучувајќи еднократни пластични предмети за храна.
Повеќе од 80 отсто од отпадот во морето е пластика, предупреди ЕК.
Пластичниот отпад е посебен проблем во морињата во светот, бидејќи многу споро се разградува, а неговите траги често се наоѓаат во животни, како што се желки, китови или птици, како и во морската храна за луѓето кои се хранат.
