„Hennes & Mauritz AB“ го објави најбрзиот пораст на приходите на квартална основа во последниве три години, иако аналитичарите изјавија дека големото прашање е со колку ги има намалено цените шведскиот синџир на мало за да го исчисти вишокот од стока од магацините, соопштува „Bloomberg“.
Добрите резултати сега може и да внесуваат познат оптимизам, но инвеститорите би можеле да реагираат „ладно“ по неодамнешното поскапување на акциите на компанијата.
„Покрај тоа може да биде тешко да се покачат цените во декември по такви големи намалувања во ноември“, коментира Ричард Чамберлејн, аналитичар во „RBC Capital Markets“. „Можно е голем дел од распродажбата да не била поволна за „H & M“, бидејќи продавала џемпери дури за 9,99 долари“, појаснува тој.
Поволните валутни разлики обезбедиле половина од растот на приходите од продажбата, а ако се исклучи нивниот ефект, продажбата за последниот квартал расте со 6%. Генерално приходите расте со 12 проценти до 56,5 милијарди круни (6,2 милијарди евра) за трите месеци до ноември. Аналитичарите очекуваа приходи од 56,1 милијарди круни.
На почетокот на тргувањето во понеделникот, акциите на „H & M“ се намали за 2,9%. За последните три месеци акциите на трговецот на мало поскапеа за 27%, откако беа поддржани од купувањата од страна на претседателот на одборот на директори на „H & M“, Штефан Персон и инвестициската компанија „Interogo Holding“, која е поврзана со „Ikea“.
