Британските разузнавачки служби составиле листа од шест магнати блиски до Владимир Путин, кој треба да бидат дополнително санкционирани поради труењето на поранешниот руски шпион Сергеј Шкрипал и неговата ќерка, пишуваат островските медиуми. Најпознатото име на листата е сопственикот на лондонскиот клуб “Челзи”, Роман Абрамович.
Според “Дејли мејл”, разузнавачките служби сакаат на олигарсите да им се укинат визите и да ги блокираат да патуваат и да ги водат нивнате империи, а планот е и да се провери нивната финансиска и имотна состојба.
– Целта на мерките што сакаме да ги преземеме е да го ограничиме нивниот маневарски простор и нивната способност слободно да патуваат и да делуваат во Британија, Европа и на друго место. Веруваме дека активностите на Кремљ се на сите фронтови, вклучувајќи ја и употребата на своите финансиски средства во име на руската држава – изјави извор од полицијата за “Телеграф”.
Според него, Роман Абрамович е на листата бидејќи се верува дека е најважниот финансиер на Путин. Ниту еден од соработниците на рускиот олигарх не сакаше да ги коментира овие наводи.
Покрај газдата на “Челзи”, познати на листата се и милијардерот и поранешен џудо партнер на рускиот претседател, Аркадиј Ротенберг и неговиот брат Борис, како и Олег Дерипаска и Алишер Усманов. Шестиот на листата исто така е добро познато име – Игор Сечин, човекот кој се смета за најмоќен во руксите медиуми.
Британските медиуми велат дека санкциите за споменатите шест се директно поврзани со труењето во Сослбери, а “Дејли мејл” ги нарекува одмазда, но нема индиции дека самите тие учествувале во тоа.
Листата, наводно, била предадена на Тереза Мај, премиерката на Обединетото Кралство.
Колку за потсетување, поранешниот шпион Сергеј Шкрипал и неговата ќерка Јулија отруени се на 4. март оваа година во британскиот град Солсбери. Истрагата покажа дека Шкрипал и неговата ќерка, кои поминаа во болница неколку месеци, се отруени со нервен отров “novicok”, со руско потекло.
