Гласините за „BMW X8“ започнаа пред баварците да го претстават својот сериски предводник, моделот „X7“. Според изданието „BMW Blog“, идејата за пуштање на пазарот на сличен автомобил е одобрена од раковдството на компанијата и тој ќе се појави во јавност во 2020-та година.
Идниот „BMW X8“ (со производствен код „G09“) ќе се нуди само со 4 места – со 2 луксузни седишта, а ќе ја користи платформата на „X7“, но ќе биде луксузен и побогато опремен. Тој е предвиден да биде најскапиот модел на баварците, со цена од повеќе од 160.000 евра. За споредба, во моментов на најскап модел во гамата на „BMW“ според цената е „i8 Roadster“ – 155.000 евра, додека основниот „X7“ започнува од 84.300 евра.
Се уште не е познато со какви мотори ќе биде опремен идниот луксузен теренец, но најверојатно тој нема да добие 12-цилиндричен мотор. Баварците постепено почнаа да се откажуваат од овој вид мотори, иако таков се поставува во моделите на „Rolls-Royce“. Постојат гласини дека „BMW Х7“ ќе остане без својот 6.6-литарски V12 со 609 КС и 800 Nm, а ако тие се потврдат, ова треба да значи дека идниот „X8“ нема да биде достапен со таква единица.
Во таков случај новиот кросовер на баварците ќе добие 4,4-литарски V8 мотор, чија моќност може да се зголеми до над 600 КС. Идејата на „BMW“ е со овој модел да се натпреваруваат со големиот теренец „Mercedes-Maybach“, со топ-верзиите на „Range Rover“, како и со идниот „Audi Q9“ (ако тој сепак се појави). Бентли Бентага е исто така еден од конкурентите.
