Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 12,600.00 0.8%    GRNT 1,006.66 0.26%    KMB 6,888.28 1.97%    MTUR 3,900.00 -2.5%    REPL 87,000.00 2.62%    STB 1,167.91 -1.22%    TETE 1,946.00 2.96%    TTK 1,350.00 2.27%    UNI 2,400.00 0%    ZPKO 2,575.00 3%    

Дебата за прогресивниот данок – Рамниот данок го воведоа и оди во прилог на богатите

Време: 16:19

Датум: декември 6, 2018

Категорија: ЕКОНОМИЈА

Владата планира и може да го воведе прогресивниот данок. Рамниот данок не ги даде посакуваните ефекти и оди во прилог на најбогатите.Ова беше истакнато на денешната јавна дебата организрана во собраниската Комисија за финансирање и буџет, а на која експерти и засегнати страни ги претставија ставовите и забелешките по предложеното законско решение.

На дебата министерот за финансии Драган Тевдовски ги изнесе аргументите зошто Владата смета дека треба Македонија да го напушти концептот на рамен данок и да премине кон прогресивно оданочување, посочувајќи дека со воведувањето на рамниот данок само се зголемуваше учеството на богатите во вкупниот доход.

-Повеќе од две години трае дискусијата. Првично планиравме прагот да биде 60.000 денари но ја слушнавме јавноста која бараше зголемување и сега го утврдивме на 90.000 денари, рече Тевдовски.

Тој додаде дека во Македонија 99 проценти луѓето земаат просечен месечен доход од 311 евра, а само еден отсто кои ќе бидат опфатени со прогресивниот данок земат просечно 4.468 евра. Појасни дека на плата од 100.000 денари дополнителниот данок ќе биде 800 денари.

Деведесет и девет отсто од населението во РМ живее од својот труд, бидејќи немаат дополнителни приходи или 90 отсто од нивните примања се од нивниот доход, само кај еден отсто доминира доход од дивиденда или имот, кај кои е помал доходот од труд, потенцира Тевдовски. Оцени дека рамниот данок оди во прилог на оние што имаат највисок доход и додаде дека со рамниот данок оние со пониски примања имаат поголема ефективна даночна стапка, а пониска кај оние со најголемите приходи.
Појасни дека реформата е дизајнирана да не создаде дополнителен товар за фирмите при тоа посочувајќи дека во Македонија доминираат фирми во кои вработените имаат пониски плати.
Со став дека Македонија треба да премине од рамен кон систем на прогресивно оданочување беа Петар Гошев, Абдулменаф Беџети и Никола Попоски.

-Рамниот данок не ги даде очекуваните ефекти. Инвестициите не се зголемија благодарение на рамниот данок, немаше раст на БДП како што беше очекувано. Не беа постигнати очекуваните ефекти во ниту еден сегмент. Ние имаме регресивен даночен систем.Најмногу буџетот се полни од сиромашните и од средната класа, рече Абдулменаф Беџети, академик и поранешен министер за развој.

Оцени дека понуденото решение е само вовед во прогресија и оти не може да се почне со ваква прогресија на трудот, пред да се почне со оданочување на доходот и имотот.

Никола Поповски, исто така, даде поддршка на воведувањето на реформата, но смета дека не е доволна и ја охрабрува Владата да го опфати и данокот на доход.

Според него има простор за зголемување на даночниот товар во Македонија.

– ЕУ, вели, дека даночниот товар е 40 отсто, а во еврозоната 42 отсто. Србија и Хрватска имаат 46 отсто, 47 отсто даночен товар. Ние имаме помал даночен товар. Ваквата поставеност креира дефицит. Преку тоа се креира јавен долг, рече Никола Поповски, универзитетски професор и поранешен министер за финансии.

На став дека треба да се поддржи концептот беше и Петар Гошев кој рече дека рамниот данок не донесе развој.

– Пред 1996 година стапката на раст беше 4,2 отсто, по воведување на рамниот данок е 2,6 отсто. Рамниот данок не е ни донесе раст, туку ни донесе и огромен јавен долг, рече Гошев.

Додаде дека рамниот данок го измислиле богатите, затоа што, како што рече, не го применуваат.

– Зошто само во екссоцијалистички држави се примени тој рамен данок за да дојдат со инвестициите овде, да ни го соберат кајмакот, да ни дадат плата по 200 евра на нашите работници и да платат најниски можни даноци. Тоа е заднината на сето тоа, ништо друго и не беа задоволни ни со тоа, туку бараа да им се даваат други дополнителни субвенции од даноците на сиромашниот народ, рече Гошев кој порача дека Владата треба поенергично да оди во концептот на прогресивно оданочување.

Според него Владата треба да оди поенергично кон прогресивното оданочување.

– Ако немаме даноци, а да го подржуваме образованието и здравството треба да земеме кредити па ќе се зголеми долгот и треба да земаме кредити. Ќе заврши тоа и потоа треба стабилизациони програми и мораториуми за прогласување неспособност на земјата да ги враќа кредитите. Тоа ќе се случи. Ние треба да обезбедиме од овде пари да ја финансираме нашата цивилизација, рече Гошев.

Против воведување на прогресивното оданочување беше професорот Горан Петревски, кој рече дека како што е замислен законското решение нема да ги оствари целите.

Според него прогресиовното оданочување дава резултати во богати земји каде поголем дел од населението е богато или има средна класа.

– Во Македонија нема да функционира бидејќи 90 проценти е сиромашно населението, рече Петревски и оцени дека со него се казнуваат оние професии како професори, ИТ, доктори што треба да се стимулираат.

Забелешки на воведувањето на концептот изнесоа стопанските комори. Дел од нив беа за пролонгирање, дел против воведувањето, од ИТ секторот побараа ослободување, а банкарите одложување на оданочувањето на каматите до влезот на Македонија во ЕУ.

Даночната реформа предвидува воведување дополнителна стапка од осум отсто за делот од доходот кој надминува 90.000 денари месечно.За мнозинството граѓани даночната стапка ќе остане иста, 10 отсто.

НАЈНОВО ОД КАТЕГОРИЈАТА

  • Леброн не дозволи пресврт и ги испрати Лејкерси во финалето на НБА

    Леброн не дозволи пресврт и ги испрати Лејкерси во финалето на НБА

    Леброн Џејмс гарантираше дека овој пат Денвер нема да направи сензационален пресврт и ги испрати Л.А. Лејкерс во финалето на НБА. „Кралот“ заврши со 38…

  • Бројката на новодијагностицирани стабилизирана на околу 10 отсто од тестираните, засега нема потреба од нови мерки

    Бројката на новодијагностицирани стабилизирана на околу 10 отсто од тестираните, засега нема потреба од нови мерки

    Нови 141 случај со Ковид-19 од 1.559 тестирања беа евидентирани во вчерашниот извештај на Министерството за здравство за изминати 24 часа. Починат е пациент од…

  • Променливо облачно со сончеви периоди

    Променливо облачно со сончеви периоди

    Времето ќе биде променливо облачно со сончеви периоди и со услови за слаб локален дожд. Ќе дува умерен, повремено засилен јужен ветер. Утринската температура ќе…

  • Ниту Ковид-19 не ја менува оваа статистика: Њујорк останува водечки финансиски центар

    Ниту Ковид-19 не ја менува оваа статистика: Њујорк останува водечки финансиски центар

    Њујорк го задржа првото место на светскиот ранг на финансиски центри, а Лондон го консолидираше своето второ место пред целосното излегување на Велика Британија од…

  • Растот на понудата на пари во еврозоната забави во август (ИНФОГРАФИК)

    Растот на понудата на пари во еврозоната забави во август (ИНФОГРАФИК)

    Годишната стапка на раст на монетарниот агрегат „М3“ или т.н. „широките пари“ паднаа на 9,5% во август 2020-та година од 10,1% во јули и во…

  • МОН: Националната платформа достапна за учениците и родителите

    МОН: Националната платформа достапна за учениците и родителите

    Веб страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел да се запознаат со нејзините…

  • Четвртиот пакет мерки е во вредност од 350 милиони евра

    Четвртиот пакет мерки е во вредност од 350 милиони евра

    Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и околу 85 милиони како исклучително…

  • Променливо облачно, посвежо и ветровито со повремен дожд

    Променливо облачно, посвежо и ветровито со повремен дожд

    Времето денеска во целата земја ќе биде променливо облачно, посвежо и ветровито, уште од утринските часови со повремени врнежи од дожд. На места процесите ќе…

  • Институт „Гамалеја“: Некои вакцинирани лица развиваат заштитни антитела по првата доза

    Институт „Гамалеја“: Некои вакцинирани лица развиваат заштитни антитела по првата доза

    Александар Гинтсбург, директор на рускиот институт „Гамалеја“, кој ја разви првата регистрирана вакцина против Ковид-19, изјави за „Спутник“ дека вакцинираните луѓе покажуваат соодветно ниво на…

  • Од понеделник почнува етапната исплата на септемвриските пензии

    Од понеделник почнува етапната исплата на септемвриските пензии

    Oд понеделник, 28.9.2020 година, почнува етапната исплата на септемвриските пензии. Министерството за труд и социјална политика информира дека пензиите ќе бидат исплатени предвреме и етапно…