Катар ги објави плановите за напуштање на Организацијата на земји извознички на нафта (ОПЕК), неколку дена пред клучниот состанок оваа недела помеѓу земјите од влијателниот нафтен картел и неговите сојузници.
Катарскиот министер за енергетика Саад ал-Каби на денешната прес-конференција изјави дека земјата ќе се повлече од ОПЕК на 1-ви јануари 2019-та година.
Одлуката доаѓа откако земјата ги разгледа начините на кои може да ја подобри својата позиција на глобално ниво.
Министерот за енергија на земјата рече дека овој потег е „техничка и стратешка“ промена и не е политички мотивиран, објави „Ројтерс“.
Катар е членка на ОПЕК веќе 57 години.