Русија го отплати долгот кон Србија и Словачка во висина од 2 милијарди долари кој е направен во време на Советскиот Сојуз, соопшти руското Министерство за финансии.
Долгот кон Словачка изнесуваше 1,7 милијарди долари, а долгот кон Србија изнесуваше 288,8 милиони долари.
Целиот долг, кој датира уште од времето кога постоеа Чехословачка и Југославија, е вратен најголем дел во стока, а еден дел во пари, пренесува агенцијата Франс Прес.
Руското министерство наведе дека до крајот на година ќе ги исплати и преостанатите долгови кон Финска, Чешка и Црна Гора.