Во Кина ќе се гради првата подводна железничка пруга за брзи возови која ќе ги поврзува Нингбо, пристанишен град јужно од Шангај, и Жoушaн, архипелаг на источниот брег.
Предвидениот подводен тунел ќе биде дел од 77-километарскиот Јонг-Жоу железнички план за поттикнување на туризмот.
Планот првпат бил предложен во 2005 година, по што била направена студија за изводливост и истиот беше одобрен овој месец. Од 77 километри, околу 70 километри ќе биде нова пруга, вклучувајќи и 16,2 под морето.
Возовите што ќе се движат по пругата ќе достигнуваат брзина и до 250 км/ч. Проектот се очекува да чини 3,6 милијарди американски долари и да биде завршен до 2025 година.
