Инспекторите во Општина Аеродром, во текот на месецов изрекле 19 парични казни во висина од 50 евра за фрлање ѓубре на јавна површина, како и за изложување земјоделски производи на јавна површина.
Исто така, имало и три интервенции за палење оган на јавна површина, од кои една во Долно Лисиче и две на улицата „Гаврил Константиновиќ“ во населбата Лисиче. За палење оган, велат од Општината, се изречени и повеќе од 15 опомени.
Инспекциските служби во текот на ноември извршле и мерење бучава на две локации, од кои на едно место е изречена и парична казна за надминување на дозволената граница на бучава.
Инспекциската служба на Општина Аеродром од 1 ноември го продолжи работното време до 22 часот секој работен ден. Инспекторите работат во две смени и вршат секојдневни контроли на целата територија на општината од областа на животната средина, загадувањето на воздухот, несовесно фрлање шут и отпад и други нерегуларности.
Службите се дежурни и во викендите, а граѓаните своите забелешки можат да ги пријават на дежурниот телефонски број 075/316-515.
