Надзорниот одбор на хрватската „Кроација Осигурување“ на својата денешна седница и даде согласност на Управата за зајакнување на пазарната позиција на компанијата на регионалниот пазар, се вели во соопштението од компанијата.
Неодамна „Кроација Осигурување“ од „Нова кредитна банка Марибор“ (НКБМ) и „Абанка Випа“ ги откупи правата на учество во првиот круг на докапитализација на најголемата словенечка компанија за реосигурување „Сава Ре“. Процесот на докапитализација на „Сава ре“ е во тек, а би требало да заврши на 21 јуни.
„Кроација Осигурување“ по докапитализацијата ќе поседува 7 проценти од „Сава Ре“, со што ќе стане вториот најголем акционер на оваа словенечка осигурителна компанија.
„Кроација Осигурување“ во регионот е присутна во Србија, Босна и Херцеговина и Македонија.
