Прометот во индустријата во април годинава во однос на април лани бележи пораст од 7 отсто. На домашниот пазар регистрирано е намалување од 4 отсто, а на странскиот пазар има пораст од 12,8 отсто, објави Државниот завод за статистика.
Прометот во индустријата во секторот рударство и вадење на камен во април 2013 година, во однос на април 2012 година, бележи пораст од 24,3 отсто, а во секторот преработувачка индустрија бележи пораст од 6,2 отсто.
Според главните индустриски групи, прометот во април 2013 година, во однос на април 2012 година, бележи пораст кај интермедијарни производи, освен енергија за 10,2 отсто, капитални производи за 20,5 отсто и нетрајни производи за широка потрошувачка за 11,9 отсто, додека опаѓање бележи кај енергија за 68,5 отсто и трајни производи за широка потрошувачка за 7,5 отсто.
Прометот во индустријата во периодот јануари-април 2013 година, во однос на периодот јануари-април 2012 година, изнесува има пораст од 4,7 отсто.