Времето денеска ќе биде променливо облачно и ветровито, претпладне со повеќе сончеви периоди.
Попладне ќе има локални врнежи од дожд кои во западните подрачја ќе имаат пороен карактер и на места ќе бидат проследени со грмежи. Ќе дува умерен до засилен јужен ветер, па поради транспорт на прашина од Африканскиот континент можна е локална појава на обоен дожд. Максималната температура ќе достигне од 19 до 24 степени.
Во Скопје променливо облачно, претпладне со сончеви периоди. Попладне и во Скопската котлина ќе има локален дожд. Ќе дува умерен, околу пладне повремено засилен јужен ветер. Температура до 23 степени.
Од утре следува период на умерено облачно и топло време со температури кои и понатаму ќе бидат над просекот за овој период од годината.
