По купе верзијата, која беше претставена на почетокот на летото, на ред дојде и моделот со отворен покрив чија премиера ќе биде одржана оваа есен.
„BMW“ кабриолет верзијата на новиот „Serieѕ 8“ ќе ја изложи на авто-саемот во Лос Анџелес, кој ќе се оддржи на крајот на ноември. Се очекува моделот со отворен покрив да ги споделува погонските единици со „BMW Serieѕ 8 Coupe“.
Тоа значи дека на купувачите ќе им биде достапен моделот „M850i xDrive“ со 4.4-литарски би-турбо V8 мотор, поврзан со осумбрзински автоматски менувач. Овој агрегат во купе верзијата произведува 530 ks (390 kW) и 750 Nm максимален вртежен момент.
Покрај бензинецот, треба да се смета и на дизел верзијата „840d xDrive“ со шест цилиндарски 3.0-литарски мотор кој располага со 320 ks (235 kW) и 680 Nm.
Моќта на двата модели се пренесува на сите 4 тркала со помош на осумбрзинскиот автоматик.
„BMW“ веќе најави дека покрај купе и кабриолет верзиите ќе претстави и „Seriеѕ 8 Gran Coupe“ со 4 врати. Се очекува тој автомобил да дебитира по кабриолет верзијата.
