Италија успеа да избегне второ намалување на рејтингот во рок од една недела, откако 2S & P Global Ratings“ не ја намали оценката, а само прогнозата за кредитоспособноста на земјата, соопштува „Bloomberg“.
Мерката, макар и не така драстична, колку што беше очекувано, сепак ја изложува Италија на ризик за намалување на рејтингот. Оценката „ВВВ“, која е само две оценки над „ѓубре“, веќе е со негативна прогноза, објавија во соопштението од „S & P“.
Само пред една недела од „Moody’s Investors Service“ ја намали оценката на земјата до само еден степен над непогодна за инвестиции, иако ја задржи прогнозата „стабилна“.
Пред оценките на „S & P“ и „Moody’s“ од „ING Groep NV“ прогнозираа дека приносот на 10-годишните италијански државни хартии од вредност во однос на германскиот репер може да се намали до 250 базични поени, особено ако биде постигнат компромис меѓу Рим и Европската унија за италијанскиот буџет.
„Економската и буџетска политика на италијанската влада се одразува на изгледите за раст на земјата“, се вели во соопштението на „S & P“, каде не исклучуваат да ја намалат оценката во следните месеци.
„Планираниот од владата економски и буџетски пат ја „поткопа“ довербата на инвеститорите“, вели агенцијата, која прогнозира за 2019-та година повисоки буџетски долгови (2,7 проценти од БДП-то) од констатираните од Рим (2,4 проценти).
„S & P“ исто така очекува дека италијанскиот долг ќе се задржи на 128,5 проценти од БДП-то во наредните три години.
Оценката на „S & P“ доаѓа по неделата на судири меѓу италијанската влада и Европската комисија. Брисел го отфрли нацрт буџетот на Рим за 2019-та година – невидена одлука во историјата на блокот. Сепак според премиерот Џузепе Конте земјата нема „план Б“ за фискалната програма.
