По денешната седница на Управниот одбор на Европската централна банка, Гувернерот Марио Драги изјави дека останува убеден во далекусежна економска експанзија на еврозоната, како и дека верува дека италијанската влада ќе постигне договор за буџетот на ЕУ.
Гувернерот на ЕЦБ појасни дека гледа на ризиците за економијата како „избалансирани“ и покрај слабиот импулс. Тој исто така е убеден дека инфлацијата ќе се забрза кон крајот на годината.
„Додека основните мерки за инфлација остануваат генерално неефективни, тие се уште забрзуваат од нивните претходни пониски нивоа. Основната инфлација се очекува да се забрза до крајот на годината и да продолжи да се забрзува на среднорочен план“, коментира уште Марио Драги.
Тој потврди дека главната сила на економијата продолжува да ја поддржува увереноста дека одржливото доближување на инфлацијата кон целта ќе продолжи и ќе се задржи дури и по постепеното прекинување на купувања на нето средства.
Гувернерот на ЕЦБ рече дека нема кристална топка за да види какви би биле трошоците на Италија по нејзините долгови, но очекува Брисел и Рим да постигнат договор.
На денешното заседание Управниот одбор на Европската централна банка (ЕЦБ) донесе одлука каматната стапка по главните операции за рефинансирање и каматните стапки на грничното кредитно олеснување и депозитното олеснување да останат непроменети – односно 0,00%, 0,25% и -0, 40%. Управниот одбор очекува основните каматни стапки на ЕЦБ да се задржат на сегашното ниво најмалку за период кој вклучува и летото во 2019-та година, и во секој случај толку долго колку што е потребно, за да се обезбеди натамошно одржливо доближувањето од инфлацијата до нивоа подолу, но блиску до 2% во текот на среден рок.
Што се однесува до нестандардните мерки за монетарната политика, Управниот одбор ќе продолжи да врши нето купувања по програмата за купување на средства со новата месечна стапка од 15 милијарди евра до крајот на декември 2018-та година. Управниот одбор очекува нето купувањата да завршат тогаш, под услов на дојдовните податоци да ги потврдуваат среднорочните проекции за инфлацијата.
