„Visa“ успеа да ги исполни очекувањата на „Wall Street“ за последниот квартален профит. Најголемата платежна мрежа во светот имаше корист од повисоките трошоци за кредитните картички и дебитните картички, како и од американската економија.
Вкупните исплати со „Visa“ картичките се зголемија за 11% за трите месеци до септември, додека бројот на обработени трансакции се зголеми за 12%. Обемот на плаќањата е износот во долари на купувањата направени со картичките.
Растот на платите, зголемувањето на вработеноста и намалените даноци ја зголемија довербата на потрошувачите во САД, која достигна највисоко ниво по речиси две децении. Ова го стимулираше купувањето на сè, од луксузни стоки до дневни набавки.
Нето добивката на „Visa“ се зголеми на 2,85 милијарди долари во четвртиот квартал. За споредба, една година порано таа изнесуваше 2,14 милијарди долари.
Без еднократните ефекти компанијата предвид профит од 1,21 долари за акција – малку над очекувањата на аналитичарите за 1,20 долари според податоците на „Refinitiv“. Податоците се 9-ти последователен квартал со подобри резултати од очекувањата за „Visa“.
Нето оперативните приходи исто така се зголемија за 12 отсто на 5,43 милијарди долари.
Акциите на компанијата, кои од почетокот на годината предвидоа раст од 21%, поскапеа за речиси 1,7% во берзанската трговија.
