Фјучерсите на паладиумот продолжуваат да растат во позадина на информациите дека претседателот Доналд Трамп планира да ја повлече САД од нуклеарниот договор со Русија кој датира од Студената војна, пишува „MarketWatch“.
Паладиумот со испорака во декември поскапе за речиси 3,5% за последните 24 часа, до 1.107 долари за унца, а дури достигна цена од 1.109,60 долари за време на сесијата.
Ова е највисоката вредност на металот од јануари, кога беа постигнати блиски нивоа – 1.109,70 долари.
Металот во моментов се тргува за помалку од 120 долари од вредноста на златото, кое е најмалата разлика меѓу паладиумот и златото од 2004-та година, покажуваат податоците на „FactSet“.
Вкупно 40% од светското производство на паладиумот доаѓа од најголемиот руски производител „Norilsk“.
При состојба дека односите меѓу САД и Русија продолжуваат да се „ладат“, тоа може да доведе до пад во понудата, а оттаму и во нов раст во цената на суровината, коментираат трејдерите.