Премиерката на Велика Британија вели дека несогласувањата помеѓу Британија и Европската Унија не треба да се причина да не се постигне договор за брегзит.
„Верувам дека ќе преговараме и ќе постигнеме договор кој е најдобар и за Кралството и за Унијата“, изјави Меј во парламентот.
„Цврсто верувам дека овој договор е возможен“, додаде Меј.
Меј посочи дека двете страни се во последните етапи на преговорите.
„Сега е време да размислуваме со ладна глава. Да ги избистриме мислите и да се фокусираме на оние малку, но сепак критични прашања што треба да се решат“, додава Меј.
Официјално, Кралството треба да ја напушти Унијата на 29 март, 2019 година.
