Европските парламентарци повторно ја разгледуваат идејата да се обезбедат стимулации за создавање на камиони, опремени со неколку шлепери, во регулациите на Европската унија (ЕУ) за ограничување на емисиите на јаглерод диоксид, објави „Euractiv“.
За прв пат беше направен обид да се протурка оваа идеја во 2014-та година, за да се ограничи потрошувачката на гориво, што барем делумно ќе помогне за намалување на штетните гасови во атмосферата.
Некои противници на предлогот го нарекуваат овој тип возила „камиони чудовишта“, гледајќи ги како потенцијална опасност за безбедноста на патиштата.
Конечно искуството на Европската комисија (ЕК) да им овозможи на слични камиони да ги преминуваат териториите на европските земји беше „убиен“ од претставниците на Европскиот парламент и од самите земји-членки на ЕУ.
Сега, идејата за наметнување на овој тип модуларен камион е повторно поставена на масата.
Овие европски мулти модуларни системи (ЕМС) не се споменати во предлогот на ЕК презентиран во мај оваа година.
За време на настанот организиран од „Euractiv“ во врска со ограничувањето на штетните емисии во Брисел во вторникот, главниот извршен директор на „MAN Truck & Bus“ сепак изјави дека автомобилската индустрија би сакала овој тип камиони да бидат прифатени како дел од интегративниот пристап на законодавството.
Директорот на „MAN Truck & Bus“ истакна дека во германската покраина Баден-Виртемберг компанијата веќе го претстави системот за промовирање на „EMS“ и е забележано намалување на емисиите на јаглерод за 12% во споредба со обичните камиони.
Раководителот на кампањата за „Transport & Environment“, Вилијам Тод, рече дека е потребно законодавство за додавање на овие иновативни елементи за справување со емисиите на стакленички гасови.
„Мораме да се фокусираме на ова затоа што се обидуваме да решиме исклучително важен проблем – емисиите на јаглерод диоксид од возилата“, рече тој.
„Ние не треба да се обидуваме да ги решиме сите проблеми со едно законодавство. Ова може да ги направи работите исклучително комплицирани“, додаде Тод.
Останува нејасно дали Романија, која го презема ротирачкото претседателство на ЕУ од 1-ви јануари, ќе може да го заврши ова прашање само за три месеци. Ако ова не се случи – наметнувањето на ограничувањата на камионите може да се одложува со години.
