Поради временските непогоди оваа година забележана е поголема количина на индустриски јаболка, што не може целосно да бидат преработени во преработувачките капацитети, поради што, за регулирање на оваа состојба и постигнување рамнотежа на пазарот, Министерството за земјоделство, шумарство и водостопанство подготви интервентна мерка што ќе биде дискутирана на следната владина седница и финализирана до крајот на оваа недела.
Преку програмата за рурален развој МЗШВ предвидува поддршка и за преработувачките капацитети, со цел да овозможи поголем простор за откуп на призводите и извоз од државата.
Во Програмата за финансиска поддршка во земјоделството за 2017 година за 10 отсто се зголемени субвенциите за одржување овошни насади. Овие субвенции годинава се зголемени за 20 отсто за земјоделците со развоен потенцијал.
