Европската комисија соопшти дека работи на договор за брегзитот и ја отфрли „ужасната приказна” за извештаите дека ЕУ подготвува план за непредвидени ситуации.
Медиумите наведуваат дека портпаролот на Европската комисија, Маргаритис Скинас, на редовниот брифинг за новинари посочи дека Брисел сѐ уште е фокусиран на постигнување на договор за повлекување на Велика Британија од ЕУ.
Скинас додаде дека европскиот блок во исто време „не ги напушта” обврските поврзани со подготовките за евентуален исход, вклучително и оној да нема договор за брегзит.
„Само мирно и продолжете со преговорите”, рече Скинас.
„Ројтерс“ објави дека главниот преговарач за брегзит во име на Европската Унија, Мишел Барни, изјавил дека работи на договор за брегзит и блиски економски односи по него.
„ЕУ продолжува да работи на постигнување на добро организирано напуштање на ЕУ од страна на Британија и амбициозно идно партнерство со Велика Британија, кое треба да вклучува блиски економски односи”, рече Барни.
