Во новата анализа за основните предизвици за Грција, рејтинг агенцијата „Moody’s“ предупредува индиректно дека ако грчката влада не го спроведе договореното намалување на пензиите, јавува ризик за намалување на кредитниот рејтинг на земјата, пишува „Катимерини“.
Според весникот „Moody’s“ испраќа сурова порака до грчката Влада во момент во кој таа се обидува да се ослободи од обврската за намалување на пензиите и неоданочливиот минимум. „Ако грчката влада одлучи да отстапи од своите обврски и да ги поништи реформите кои се договорени и изгласани, би можел да се појави притисок врз рејтингот“, пишува во анализата.
По двојното зголемување на кредитниот рејтинг на Грција минатиот февруари, „Moody’s“ има намера да се разгледа повторно проценката на земјата најрано во февруари 2019-та година, под услов да нема непредвидени настани. Во анализата се вели дека и покрај излегувањето од спасувачката програма, земјата се соочува со огромни предизвици како намалувањето на исклучително високиот долг, секвенца по патот на реформите, како и надминување на проблемите со премногу слабиот банкарски сектор со уште повисоки нивоа на кредити.
Сепак, „Moody’s“ признава дека по договорот на Еврогрупата, Грција има ниска цена за сервисирање на долгот и умерени финансиски потреби. Кредитниот профил на земјата е подобрен во економските и финансиските перспективи по завршувањето на програмата, додека доверителите се обврзале да обезбедат дополнително олеснување на долгот во иднина при потреба.
Во анализата се наведува дека меѓу ризиците за кредитниот рејтинг на земјата се и евентуалните тензии со кредиторите од други причини, кои би ја загрозиле поддршката од еврозоната. Додека изгледите за Грција се очекува да се подобрат на краток рок, несигурноста останува на среден рок, предупредува „Moody’s“.
Сомнежите остануваат за долгорочен развој поради неповолните демографски податоци и емиграцијата на голем процент на млади луѓе, особено оние со високо образование.
Иако договорот со еврогрупата, грчкиот долг ќе остане на многу високи нивоа за децении, па дури и мали отстапувања од финансиските и економските цели можат да го направат развојот на долгот неодржлив. Грција ќе продолжи да зависи од континуираната поддршка на земјите-доверители во еврозоната. Иако нема сомневање дека во моментов нивната поддршка за Грција е многу силна, политичката динамика на овие земји во долг рок е помалку сигурна, предупредува „Moody’s“.
