29 март, 2024
ПочетнаЕКОНОМИЈАЗапочна реконструкцијата на улицата ,,Антон Попов”

Започна реконструкцијата на улицата ,,Антон Попов”

Градоначалникот на Општина Кисела Вода, Филип Темелковски заедно со градоначалникот на Град Скопје, Петре Шилегов го означија почетокот на реконструкцијата на улицата Антон Попов.

Градоначалникот на Општина Кисела Вода, Филип Темелковски, информираше дека заради тоа што улицата Антон Попов, е една од најоштетените на територијата на општината во соработка со Градот Скопје беше донесена одлука оваа улица да биде меѓу првите која ќе се реконструира. Воедно, Темелковски најави дека во текот на оваа недела ќе започнат и активности за реконструкција на улицата Теферич.

Додека, во своето обраќање до јавноста, градоначалникот на Град Скопје, Петре Шилегов изјави дека со градежните зафати на улицата ќе биде извршена реконструкција на потегот од крстосницата со улицата Павел Шатев, до Шампионче, во должина од 590 метри, со што улицата ќе добие комплетно нови коловозни ленти во ширина од 3,5 метри. Покрај ова, Шилегов додаде дека периодов Градот Скопје работи на реконструкција на повеќе улици и булевари во Скопје, меѓу кои Партизанска, Лондонска и Брадфордска, се со цел овозможување на поволни услови за одвивање на сообраќајот. Работните активности на улицата ќе се одвиваат во наредните 30 дена.

НАЈНОВИ ВЕСТИ

ХОРОСКОП