Производството на кокаин во Колумбија достигна рекордно ниво во 2017 година, според неодамна објавената статистика на ОН. Канцеларијата на Обединетите нации за дрога и криминал (УНОДЦ) предупредува дека минатата година производството на дрога во Колумбија се зголемило, и тоа за рекордни 31 отсто во однос на претходната година, објави Би-Би-Си.
Минатата година се одгледани 1.400 тони на површина од 171.000 хектари, што значи дека вкупната површина на земјиште користени за оваа намена се зголемила за 17% во споредба со 2016 година кога кокаинот бил произведен на површина помала за 25.000 хектари.
Колумбија е најголемиот производител на кокаин во светот, а најголемиот дел од дрогата го извезува во САД, кој е најголемиот потрошувач на кокаин во светот.
Со години земјата се бори со производителите на кокаин, каде што и САД им помагаат со 400 милиони долари годишно во војната против дрогата.