Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Трговијата и консумирањето на евтинa брза храна се пречка за здрава исхрана

Време: 12:42

Датум: септември 14, 2018

Категорија: ЗДРАВЈЕ

Генералниот директор на ФАО на работилница во Ватикан повика на јавни политики кои се насочени кон намалување на дебелината и прекумерната тежина.

Глобализираниот систем за храна го отежнува водењето здрав начин на исхрана и придонесува за дебелината и прекумерната телесна тежина, особено во земјите кои увезуваат најголем дел од нивната храна, укажува Генералниот директор на ФАО, Хозе Грацијано да Силва.

“За жал, стоките и индустријализираната евтина храна се многу полесни за меѓународната трговија”, рече Грацијано да Силва, обраќајќи се на учесниците на техничката работилница за безбедност на храната и здрава исхрана организирана од Папската академија на науките на Ватикан.

Проценките покажуваат дека денеска 2,6 милијарди луѓе се со прекумерна тежина и дека преваленцата на дебелината кај светското население е зголемена од 11,7 проценти во 2012 година на 13,2 проценти во 2016 година.

“Ако не преземеме итни мерки за да ги запреме зголемените стапки на дебелина, наскоро можеме да имаме повеќе дебели луѓе отколку недоволно исхранети луѓе во светот”, истакна Грацијано да Силва. “Постојат неколку основни фактори заслужни за глобалната пандемија на дебелина. Нездравиот начин на исхрана е најзначајниот”.

Проблемот е особено изразен во малите островски земји во развој во Пацификот, кои мора да увезуваат поголем дел од нивната храна, со стапка на дебелина која се движи од повеќе од 30 проценти на Фиџи до 80 проценти кај жените во Американска Самоа.  Во најмалку 10 пацифички островски земји, преку 50 проценти (и кај некои до 90 проценти) од населението има прекумерна тежина. Преголемата потрошувачка на увезена индустриска храна со висока содржина на сол, натриум, шеќер и транс масти е главен причинител на оваа ситуација.

Тој укажа на зголемена достапност на видови на храна со висока енергетска вредност, богати со масти, шеќер и сол, чија продажба е поттикната од интензивен маркетинг и рекламирање.

“Брзата и нездрава храна е најдобриот пример за тоа. Овој вид храна е поевтин и подостапен, како и полесен за подготовка од свежата храна, особено за сиромашните луѓе во урбаните средини”, рече Грацијано, истакнувајќи дека при намалени ресурси на храна, луѓето избираат поевтини прехранбени продукти кои често се со високо калорични, а со ниски хранливи вредности.

Консумирањето на оваа евтина храна, пак, има висока цена за општеството, а тоа е прекумерната телесна тежина како главен ризик фактор за многу болести како што се срцевите заболувања, мозочниот удар, дијабетесот и некои видови рак.

Јавна акција, однесување на потрошувачите

“Државите треба да имаат закони во насока на здрав начин на исхрана, кои го поттикнуваат приватниот сектор да произведува здрава локална храна”, потенцира Грацијано да Силва. Тоа може да вклучуваа воведување на даноци за нездрави прехранбени производи; јасно и информативно обележување на производите; ограничување на рекламирање на брза храна за децата; и, намалување на нивото на сол и шеќер користени за производство на храна, па дури и забрана за употреба на некои состојки како што се транс масти.

Владите, исто така, треба да ја поттикнат разновидноста на исхраната и да го олеснат пристапот на локалните производи од семејните земјоделски производители до потрошувачите. Дополнително, програмите за исхрана во училиштата можат да се поврзаат со локалните производители за производство на храна за училишните оброци – со што ќе се поттикне локалната економија, а истовремено се промовира здрава исхрана за децата.

Генералниот директор на ФАО, исто така, потенцира дека трговските договори мора да бидат дизајнирани на начин што ќе го поевтинат производството на локална, нутритивна храна, истовремено ограничувајќи го приливот на увезени евтини производи богати со масти, шеќер и сол.

Тој, исто така, ја нагласи важноста на образованието, вклучително и училишните наставни програми кои ги учат децата за производство и избор на здрава храна, за здраво готвење, како и поголем пристап до информации за потрошувачите за здрав начин на исхрана.

Грацијано да Силва информираше за претстојните две меѓународни конференции за безбедноста на храната и здравата исхрана кои ќе се одржат на почетокот од следната година: една од страна на Африканската унија / ФАО / СЗО во Адис Абеба; и друга во организација на ФАО, СЗО и СТО за безбедноста, стандардите и трговијата на храна што ќе се одржи во Женева.

 

КОМЕНТАРИ

НАЈНОВО ОД КАТЕГОРИЈАТА

  • Ослободете се од холестеролот со овој милкшејк

    Ослободете се од холестеролот со овој милкшејк

    Едноставен за подготовка, а исклучително здрав – оваа здрава и вкусна комбинација е идеална за сите оние кои не поднесуваат лактоза. Овој милкшејк не само…

  • Што да конзумирате доколку сте изнемоштени и имате недостаток на енергија

    Што да конзумирате доколку сте изнемоштени и имате недостаток на енергија

    Се чувствувате исцрпено и речиси едвај се движите, очигледно е дека ви недостасува енергија. Овие намирници можат да ви помогнат околу тоа прашање, каснете си…

  • Од белиот леб полоши се овие 5 јагленихидрати

    Од белиот леб полоши се овие 5 јагленихидрати

    Одлучивте од исхраната да го исфрлите белиот леб, но сигурни ли сте дека со тоа целосно ќе го лишите вашиот организам од сите јаглехидрати на…

  • Внимателно со грејпфрутот доколку пиете лекови!

    Внимателно со грејпфрутот доколку пиете лекови!

    Без оглед колку благотворни дејства има грејпфрутот, со него треба да бидете многу внимателни доколку пиете лекови, бидејќи оваа комбинација може да предизвика несакани реакции.…

  • Во 3 чекори ослободете се од габичките на стапалата

    Во 3 чекори ослободете се од габичките на стапалата

    Габичките на стапалата можат да бидат вистинска непријатност и колку и да се борите со нив постои можност тие пак да се вратат. Пробајте со…

  • Конзумирањето чаша млеко со мед дава големи придобивки

    Конзумирањето чаша млеко со мед дава големи придобивки

    Понекогаш најпростите намирници, кои секој ги има во кујната, можат да направат чудо за вашето здравје. Познатата изрека „чаша млеко и во кревет“ не е воопшто…

  • Едноставен рецепт против затнат нос и грло

    Едноставен рецепт против затнат нос и грло

    Солената вода одамна се користи како природно средство против некои непријатни појави, како што е воспалението на грлото, при кое таа ги одржува дишните патишта влажни.…

  • Доколку често консумирате овошје треба да ги знаете овие 4 нешта

    Доколку често консумирате овошје треба да ги знаете овие 4 нешта

    Овошјето во последно време неправедно започна да го бие лош глас, и тоа поради фруктозата. Поединци веруваат дека фруктозата од овошјето предизвикува зголемено ниво на…

  • Мултивитамински напиток врз база на куркума

    Мултивитамински напиток врз база на куркума

    Овој напиток е вистинска ризница на лековити состојки, а многу едноставно се подготвува… Состојки: – 1 лажица куркума во прав – 5 см корен од…

  • Билна мешавина која ќе ви помогне при проблеми со цисти

    Билна мешавина која ќе ви помогне при проблеми со цисти

    Цистите се патолошки промени со кои се борат дури 80 проценти од жените. Погледнете го овој лековит рецепт за чај од природата кој ќе ви…