Град Скопје известува дека третата фаза од авионската и терестричната дезинсекција на подрачјето на Скопје, против ларви од комарци, ќе се изврши денеска, а четвртата фаза од терестричната дезинсекција против возрасни форми на комарци ќе почне на 3 септември.
Авионската дезинсекција на подрачјето на град Скопје, против ларви од комарци, ќе се изврши во раните утрински часови.
Терестричната дезинсекција на подрачјето на град Скопје, против ларви од комарци, ќе се изврши во текот на денот.
Терестричната дезинсекција на подрачјето на град Скопје, против возрасни форми на комарци, ќе почне на 3 септември (понеделник) и ќе заврши најдоцна до 7 септември (петок).
Доколку временските услови не го дозволуваат вршењето на дезинсекцијата, авионското прскање ќе се изврши првиот нареден ден кога ќе бидат поволни временските услови, во истиот термин, а во согласност со тоа ќе се извршува и терестричната дезинсекција.
Се известуваат пчеларите навреме да ги преземат потребните мерки за заштита на пчелите.
