Малите промени во вашата рутина можат да имаат неверојатно позитивно влијание на квалитетот на секој ден кој го поминувате на работа. Еве неколку кратки и едноставни совети како да бидете среќни на работа.
Украдете наутро една минута само за себе
Во утринската рутина вметнете 60 секунди во кои ќе бидете сами и во тишина. Не мислете на работата, одморете го мозокот и наградете се со енергија.
Почесто смејте се
Со смеењето постигнувате две работи, прво, насмевката му говори на мозoкот да биде среќен. Второ, кога се смеете, позитивноста ја пренесувате и на другите луѓе. Насмевката е заразна, на добар начин.
Пофалете се самите
Секој пат кога ќе завршите некоја работа, проект, застанете и самите пофалете се себе си. На тој начин сами си создавате чувство дека сте успешни.
Прославете кога ќе научите нешто ново
Човекот секој ден учи нешто ново. Трик е да препознаете кога сте научиле нешто ново и потенцијално важно. Тоа е победа која заслужува едно во себе изговорено „Урааа“.
Заблагодарете им се на колегите
Веројатно знаете дека на колегите и клиентите треба редовно да им се заблагодарувате за соработката, услугите… Но, исто така заблагодарете им се и на оние лица кои не ги приметувате толку често а сепак ви помагаат, како што е хигиеничарката, чуварот, луѓето во кол-центарот. На тој начин и нивниот и вашиот ден ќе биде поубав.