Општина Аеродром од 1 септември ги презема трошоците за обезбедување на основните училишта и детските градинки што досега ги плаќаа родителите.
За обезбедување на училиштата и градинките од општинскиот буџет ќе бидат издвоени пет милиони денари.
– Преку овој проект не само што се грижиме за безбедноста на децата, туку сакаме и да им помогнеме на родителите да ги намалат трошоците за образование на своите деца. Одлуката за преземање на трошоците за обезбедување на училиштата и градинките е дел од пакетот мерки за помош на родителите на стартот на новата учебна година, заедно со еднократната помош од 3.500 денари за секое прваче, соопштија од општина Аеродром.
