Британскиот министер „Brexit“, Доминик Рааб рече дека се уште има добри изгледи за договорот за излез на Велика Британија од Европската унија. Тој, сепак, додаде дека е правилно да се сфати добро обмислен приод со известување на ризиците кои ќе произлезат, ако двете страни не се договорат, пренесе „Ројтерс“.
„На секој состанок правиме добар напредок во однос на прашањата за разделбата што остануваат во очекување“, изјави Рааб за радиото на „ВВС“.
Подоцна денес Велика Британија ќе го објави 25 технички документи кои содржат совети кон луѓето и компаниите како да се справи со секој проблем кој може да настане од евентуално напуштање на ЕУ без договор за идните односи меѓу Лондон и Брисел.
Помалку од осум месеци остануваат до 29-ти март 2019-та година, датумот на кој Британија мора да ја напушти ЕУ.
Преговорите за „Brexit“ беа обновени во вторникот, но дипломати во Брисел очекуваат дека неофицијалниот краен рок – октомври – за постигнување на договорот нема да биде запазен.
